劉倩婷出煮意茶餐廳歎私房菜

09年港姐冠軍劉倩婷（Sandy）除了專注演藝事業外，孝順的她亦會幫媽咪打理家族飲食生意，茶餐廳已開業八年，當年Sandy從英國回流返港選港姐與茶餐廳就有莫大的淵源。

09年Sandy得知父親患上癌症後，立刻放棄英國事業回港照顧雙親，劉母亦大讚女兒孝順：「當時我受太大打擊，經常無故暈倒，好彩囡囡喺我身邊！」Sandy表示當時事事親力親為，她坦言：「我會幫手落單、聽電話、傳菜等樓面工作！」

幫手度菜單

Sandy當選港姐後，雖然要兼顧娛樂圈工作，不過仍心繫茶餐廳，她說：「我一星期最少會到餐廳兩、三次巡視事務，不過由於工作太忙，現只會集中在行政管理方面，亦會同媽咪一齊研究菜單！」劉母續讚Sandy說：「佢好幫得手，閒時亦會畀貼士夥計以鼓勵士氣，佢哋一見到Sandy就好開心！」

而餐廳的食物質素，劉母說亦很重視，菜式絕不加味精，亦會從街市及超市入貨，務求材料新鮮，即使成本上升也在所不惜。為了令業務多元化，Sandy說：「晚市時餐廳的樓上雅座會供應私房菜菜式，有時拍劇後收工，我亦會同一班同事在此消遣。」

經營之道員工質素好緊要

Sandy表示從事飲食業最重員工質素：「我哋係做熟客生意，有好嘅員工先可以令客人有歸屬感，所以我同媽咪都以心相待員工！」劉母表示：「最初我哋係經營車仔麵，做咗６年先轉營做茶餐廳，而大部分員工都已經幫手十幾年！」為了留住好員工，劉母最初更提供員工宿舍，她說：「大部分員工最初都係新移民，為方便佢哋返工，我喺餐廳嘅樓上租屋畀佢哋住，依家佢哋已成家立室，毋須再住宿舍，我哋嘅感情就好似一家人一樣！」